Land- og felleskapasitetar
Ingeniørar, fagteknikarar, økonomar, prosjektleiarar, juristar og merkantile ekspertar jobbar hos oss. Vi har ansvaret for å planleggje, anskaffe og forvalte landmateriell som bidreg til at styrkane i Hæren og Heimevernet har alt frå panservogner til elektroniske støttesystem som er teknisk godkjende og trygge i bruk. Vi forvaltar òg soldaten sitt grunnleggjande utstyrsbehov, det vil seie utrustinga soldaten ber nærast på kroppen.
Vårt ansvarsområde
Land- og felleskapasitetar leverer mellom anna sanitetsmateriell, verktøy, kjøkkenutstyr, kraftforsyning, telt, veterinærtenester, drivstoff, ammunisjon og eksplosiv. Vi har ansvar for ein brei portefølje av køyretøy, som stridsvogner og feltvogner. I tillegg har verksemdsområdet ansvar for våpen som artilleri, tunge og lette maskingevær, samt simulatorar og elektrooptisk materiell. Mykje av materiellet blir brukt av alle avdelingane i Forsvaret, men dei største brukarane er Hæren og Heimevernet.
Viktige satsingar innan landdomenet
Når Hæren eller Heimevernet skal ha nye stridsvogner eller lastebilar, er det Land- og felleskapasitetar som har ansvar for anskaffinga. Land- og felleskapasitetar anskaffar òg nye kampuniformer, feltstøvlar eller feltrasjonar til Forsvaret. Av og til blir fleire anskaffingar samla i større investeringsprosjekt eller -program.
Arbeidskvardagen i Land- og felleskapasitetar
Ledige stillingar i Land- og felleskapasitetar
Overingeniør innen ammunisjonssikkerhet
Overingeniør innen våpenteknologi
Overingeniør innen ammunisjonsikkerhet - sikkerhetsgodkjenning
Overingeniør innen materielldata og NATO-kodifisering
Senior Testingeniør
Overingeniør innen stridskjøretøy
Rådgiver innen prosjektsikkerhet og risikostyring
Vi har samlet ofte stilte spørsmål fra jobbsøkere om blant annet sikkerhetsklarering, krav i stillingsutlysningen og selve søkeprosessen.
– Aldri ein keisam dag
Omar Ilyas er overingeniør og har operativ bakgrunn frå Forsvaret, både i Jegerbataljonen og Telemark bataljon. Han har òg erfaring frå operasjonar i utlandet. Den tidlegare militære erfaringa hans kjem godt med i den noverande jobben i Forsvarsmateriell land- og felleskapasitetar.
– Eg vil seie at vi er ein lærande organisasjon, der vi deler erfaringar for å effektivisere måten vi jobbar på – innan logistikk eller forvaltning av materiell. Å jobbe med denne typen prosjekt gjer òg at arbeidskvardagen min er svært variert, noko eg set stor pris på. Eg kan med handa på hjartet seie at eg i løpet av dei over fem åra eg har jobba her, ikkje har hatt ein einaste keisam dag, seier overingeniør Omar Ilyas med eit smil.