Om oss
Forsvarsmateriell er ein eigen etat i forsvarssektoren med ansvar for å anskaffe og avhende alt materiell og alle tenester til Forsvaret. Vi bidreg til eit godt rusta Noreg, og er i dag den største offentlege investeringsaktøren i landet.
Vi samarbeider med Forsvaret, industrien og andre fagmiljø nasjonalt og internasjonalt for at materiellet skal vere berekraftig, relevant og sikkert. Vi forvaltar design, regelverk og nødvendige godkjenningar. Når Forsvaret har avslutta bruken av materiellet, avhender vi det gjennom sal, donasjon eller miljøvennleg destruksjon.
Ved å kombinere kunnskap om brukarane sine behov og marknaden med evne til både innovasjon og langsiktig arbeid, skal vi levere relevant materiell og kapasitetar som dekkjer Forsvaret sine behov, og samtidig bidra til utvikling av norsk forsvarsindustri.
Organisasjon og leiing
Leiinga i Forsvarsmateriell tek hand om alle formelle og operative funksjonar for å løyse oppdraga, med mål om å utruste Forsvaret med relevant og tidsriktig materiell.
Etiske retningslinjer og samfunnsansvar
Forsvarsmateriell har ein visjon, ein misjon og eit sett verdiar som fungerer som plattform for verksemda vår. Dette sikrar felles retning og utvikling av haldningar, etikk og etikk og leiing.
Tildelingsbrev for Forsvarsmateriell
Tildelingsbrevet presenterer årleg dei økonomiske rammene og måla for Forsvarsmateriell. Mål, styringsparameterar, resultatkrav og oppdrag i brevet dannar grunnlaget for departementet si oppfølging av arbeidet til Forsvarsmateriell.
Instruks for Forsvarsmateriell
Hovudinstruksen for Forsvarsmateriell er fastsett av Forsvarsdepartementet i tråd med Reglement for økonomistyring i staten og Bestemmelser om økonomistyring i staten, heretter kalla økonomiregelverket. Instruksen erstattar Forsvarsdepartementet sin instruks for Forsvarsmateriell av 1. januar 2021.