Etiske retningslinjer og samfunnsansvar

Vårt ansvar er å utruste Forsvaret. Kjerneverdiane våre er: vidsyn, openheit, respekt, ansvar og mot. Verdiane speglar krava og forventningane som omgivnadene har til oss. Forsvarsmateriell skal òg følgje verdigrunnlaget for forsvarssektoren.

I all verksemd skal vi rette oss etter gjeldande lover og forskrifter og opptre på ein etisk, berekraftig og samfunnsansvarleg måte.

For å kunne ivareta samfunnsansvaret vårt stiller vi ei rekkje krav til leverandørane våre. Vi balanserer samfunnsansvar opp mot krava som blir stilte til yting, kvalitet, pris og leveringstid. Vi stiller òg miljøkrav i kvar anskaffing.

Den interne saksbehandlinga og kontakten med leverandørar og samfunnet elles skal vere objektiv, sakleg og etterretteleg. Difor legg vi stor vekt på dei etiske retningslinjene frå Forsvarsdepartementet for kontakt med næringslivet.

Varslingskanalen til Forsvarsmateriell finn du her.