Dette gjer vi

Forsvarsmateriell har til ei kvar tid meir enn 200 anskaffingsprosjekt i prosess og forvaltar meir enn 450 kontraktar. Kvart prosjekt kan omfatte fleire kontraktar med ulike leverandørar. Ved særleg omfattande og samansette materiellinvesteringar gjennomfører vi fleire relaterte prosjekt parallelt. Desse store investeringane kallar vi program.

Gjennom små og store anskaffingar bidreg Forsvarsmateriell dagleg til å utruste Forsvaret. Dei største prosjekta er ubåt, nye F-35 kampfly, nye kystvaktfartøy, kampvogner, Joint Strike Missile, felles nordisk uniformsløysing og nye helikopter.
Målet vårt er å få meir og betre forsvar for pengane.

Vi samarbeider tett med Forsvaret, andre aktørar i forsvarssektoren (Forsvarets forskningsinstitutt, NSM og Forsvarsbygg) og nasjonale og internasjonale leverandørar for å løyse oppdraget vårt. På denne sida finn du eit utval av prosjekta våre.