IKT-kapasitetar

Forsvarsmateriell IKT-kapasitetar digitaliserer forsvarssektoren med IKT-løysingar som verkar godt saman. IKT-kategorileiarar har oversikt over produkt og marknader i Noreg og internasjonalt, og legg til rette for best mogleg samarbeid med forsvarsindustrien. IKT-prosjektleiarar samarbeider tett med Forsvarets behovseigarar og fremskaffar robuste og trygge løysingar for større, komplekse investeringsanskaffingar saman med norsk og internasjonal industri. Ingeniørane bidreg til at val innan teknologi og design blir ivaretekne på best mogleg måte. Alle desse rollene samarbeider tett med ei eiga avdeling for kontraktar og innkjøp.

Forsvarsmateriell IKT-kapasitetar samarbeider særleg tett med Cyberforsvaret, som alltid er ein del av prosjekta, og med teama som utviklar og driftar løysingane. Det er òg svært tett samarbeid med alle andre avdelingar i Forsvaret og med andre kapasitetar i Forsvarsmateriell.

IKT-løysingane blir nytta på alle militære nivå – frå hovudkvarter, på køyretøy, fartøy og stridsplattformer – til den einskilde soldaten. Store og komplekse IKT-system skal òg inn i bygg og anlegg, som radaranlegg eller datasenter.

Det er viktig for Forsvarsmateriell å ha eit godt og tett samarbeid med industrien. Difor jobbar vi systematisk med å utvikle relasjonane våre til industrien og inngå strategiske partnarskap der dette er formålstenleg. Slik bidreg vi til at norsk industri blir utvikla og gjort konkurransedyktig internasjonalt. Vi bidreg i bygginga av Forsvarets digitale grunnmur, til å auke Forsvarets kampkraft og til å gjere Noreg meir robust og uthaldande i både det digitale og det fysiske rommet.